عاطف اسلم کی نئے گانے کے ساتھ بھارتی میوزک انڈسٹری میں واپسی

 

پاکستان کے معروف گلوکار عاظف اسلم بھارتی پنجابی فلم کے لیے اپنا نیا گانا ریکارڈ کروایا دیا۔

غیر ملکی خبر رساں ادارے کے مطابق گلوکار عاطف اسلم کی اپنے نئے سُپر ہٹ گانے ’رنگریزہ‘ کے ساتھ بھارتی میوزک انڈسٹری میں واپسی ہوگئی ہے۔

یاد رہے کہ پاک بھارت کشیدگی کے باعث بھارت کی حکومت نے پاکستانی فنکاروں پر پابندی عائد کی ہوئی ہے۔

تاہم اب بھی عاطف اسلم، راحت فتح علی خان سمیت پاکستانی گلوکاروں کے چرچے آج بھی بھارت میں ہوتے نظر آرہے ہیں۔

اب عاطف اسلم کا بھارتی پنجابی فلم کے لیے گایا گیا گانا’رنگریزہ‘  گزشتہ روز ریلیز کیا گیا ہے۔

عاطف اسلم گانا ریلیز ہونے کے بعد  بھارت میں موجود عاطف اسلم کے مداح خوشی سے نہال ہوگئے کیونکہ مداح بھارتی حکومت کی پابندی کے بعد سے کافی مایوس تھے۔

جمعہ کو جیسے ہی گانا ’رنگریزہ‘ ریلیز ہوا تو ہیش ٹیگ ’عاطف اسلم‘ ٹوئٹر پر ٹرینڈ کرنے لگا اور اس وقت بھی ٹوئٹر پر ہیش ٹیگ ’RangReza By Atif Aslam‘ ٹرینڈ کررہا ہے۔

گانے کو اب تک 3 ملین سے زائد مداح سُن چکے ہیں جبکہ سوشل میڈیا پر پاک بھارت مداحوں کی جانب سے عاطف اسلم کے گانے کی خوب تعریف کی جارہی ہے۔