رواں ہفتے مزید مون سون بارشیں متوقع: محکمہ موسمیات

محکمہ موسمیات کے مطابق 20 جولائی (بدھ) سے مون سون ہوائیں شدت کے ساتھ ملک کے بالائی اور وسطی علاقوں میں داخل ہونگی اور 21 جولائی کو ملک کے دیگر علاقوں میں پھیل جائیں گی۔ جس کے باعث:

☜ 20 تا 26 جولائی: کشمیر، گلگت بلتستان، اسلام آباد، راولپنڈی، مری، اٹک، چکوال، جہلم، سیالکوٹ، نارووال، لاہور، گوجرانوالہ، گجرات، شیخوپورہ، فیصل آباد، جھنگ، میانوالی، خوشاب، سرگودھا، حافظ آباد، منڈی بہاؤالدین، سوات، مانسہرہ، کوہستان، ایبٹ آباد، ہری پور، پشاور، مردان، صوابی، نوشہرہ، کرم اور کوہاٹ میں تیز ہواؤں اور گرج چمک کے ساتھ بارش کا امکان

☜ 21 تا 26 جولائی: بنوں، لکی مروت، ڈی آئی خان، ساہیوال، اوکاڑہ، بھکر، لیہ، ملتان، راجن پور، ڈی جی خان، بہاولپور، بہاولنگر، رحیم یار خان اور خانپور میں تیز ہواؤں اور گرج چمک کے ساتھ مزید بارش اور چند مقامات پر وقفے سے موسلادھار بارش کا بھی امکان

☜ 22 تا 26 جولائی: ژوب، زیارت، بارکھان، لورالائی، بولان ،کوہلو، قلات، خضدار، لسبیلہ، نصیر آباد، جعفر آباد اور سبی میں تیز ہواؤں اور گرج چمک کے ساتھ مزید بارش کا امکان

☜ 24 تا 26 جولائی: سندھ کے بیشتر اضلاع میں بھی تیز ہواؤں اور گرج چمک کے ساتھ بارش کی پیشگوئی اور بعض مقامات پر موسلادھار بارش کا بھی امکان

 ممکنہ اثرات: 

◀ 20 تا 23 جولائی: راولپنڈی/ اسلام آباد، پشاور، نوشہرہ، مردان، فیصل آباد، لاہور اور گوجرانوالہ میں نشیبی علاقے زیرِ آب آنے کا خدشہ

◀ 24 تا 26 جولائی: کراچی، حیدر آباد، ٹھٹہ، بدین، شہید بینظیر آباد، جامشورو، میر پورخاص، دادو، عمر کوٹ، جیکب آباد، لاڑکانہ اور سکھر میں بھی نشیبی علاقے زیر آب آنے کا خطرہ

◀ 20 تا 23 جولائی: راولپنڈی/ اسلام آباد، مانسہرہ، دیر اور کشمیر کے ندی نالوں میں طغیانی کا خدشہ

◀ 22 تا 25 جولائی: لورالائی، بارکھان، کوہلو، موسی خیل، شیرانی، سبی، بولان اور ڈیرہ غازی خان کے پہاڑی اور مقامی ندی نالوں میں بھی طغیانی کا خطرہ

◀ اس دوران کشمیر، گلیات، مری، چلاس، دیامیر، گلگت، ہنزہ، استور اور اسکردو میں لینڈ سلائیڈنگ کا خدشہ

⭕ مسافر اور سیاح موسمی حالات کو مدِنظر رکھ کر سفر کریں اور سفر کے دوران مزید محتاط رہیں

⭕ کاشتکار حضرات بارش کی پیشگوئی کے مطابق آبپاشی کریں