عید کے دوران مزید مون سون بارشوں کی پیشگوئی، محکمہ موسمیات نے خبردار کردیا

        محکمہ موسمیات کے مطابق مون سون ہوائیں ملک کے بیشتر علاقوں میں داخل ہو رہی ہیں اگلے 24 گھنٹوں کے دوران ان کی شدت میں کمی کا امکان ہے۔ ویک اینڈ کے دوران شدت کے ساتھ مون سون ہوائیں ملک میں داخل ہوں گی۔۔جس کے باعث:09 سے12 جولائی کے دوران اسلام آباد، کشمیر، سوات، مانسہرہ، کوہستان، ایبٹ آباد، ہری پور، پشاور،مردان، صوابی ،نوشہرہ ، کرم ، کوہاٹ، میانوالی، سرگودھا، حافظ آباد، منڈی بہاؤالدین، راولپنڈی، مری ، اٹک، چکوال، جہلم، سیالکوٹ، نارووال، لاہور، گوجرانوالہ، گجرات، شیخوپورہ، فیصل آباد، جھنگ، ساہیوال اور اوکاڑہ میں وقفے وقفے سے تیز ہواؤں اور گرج چمک کے ساتھ بارش کا امکان ہے۔

        08 اور 09 جولائی کے دوران میر پور خاص ،دادو،کراچی، حیدر آباد، ٹھٹہ، بدین، ژوب، زیارت، بارکھان، لورالائی، بولان ،کوہلو، کوئٹہ، قلات، خضدار، لسبیلہ، آواران، نصیر آباد، سبی، پنجگور اور تربت میں آندھی/تیز ہواؤں اورگرج چمک کے ساتھ بارش جبکہ چند مقامات پر موسلادھار بارش کی بھی توقع ہے۔ 

        09 اور 10 جولائی کو کشمیر، مری، گلیات،پشاور، مردان، کرم، دیر، مانسہرہ، ایبٹ آباد، اسلام آباد، خطہ پوٹھوہار، گوجرانوالہ، سیالکوٹ، حافظ آباد ، لاہور،فیصل آباد اور سرگودھا میں موسلادھار بارش کا بھی امکان ہے۔

ممکنہ اثرات:

•      09 اور 10 جولائی کے دوران راولپنڈی/ اسلام آباد، پشاور، فیصل آباد،لاہور، گوجرانوالہ اور سیالکوٹ میں موسلادھار بارش کے باعث نشیبی علاقے زیر آب آنے کا خطرہ ہے۔
•      موسلا دھار بارش کے باعث راولپنڈی/ اسلام آباد ،کشمیر، بولان ،قلات، خضدار اور لسبیلہ کے مقامی ندی نالیوں میں طغیانی کا خدشہ ہے۔
•      کشمیر،گلیات ، مری ،چلاس، دیامیر، گلگت،ہنزہ، استور اوراسکردو میں لینڈ سلائیڈنگ کا بھی خدشہ ہے۔