دنیا بھر میں آج یومِ الحاق پاکستان منایا جارہا ہے

 سرینگر: دنیا بھر میں مقیم کشمیری آج یوم الحاق پاکستان منا ر ہے ہیں۔

کنٹرول لائن کے دونوں جانب اور دنیا بھر میں مقیم کشمیری آج بروز منگل 19 جولائی کو یوم الحاق پاکستان اس تجدید عہد کے ساتھ منا رہے ہیں کہ وہ بھارتی تسلط سے آزادی اور جموں و کشمیر کے پاکستان میں مکمل انضمام تک اپنی جدوجہد جاری رکھیں گے۔

یومِ الحاق پاکستان کیوں منایا جاتا ہے؟

کشمیر میڈیا سروس کے مطابق 19 جولائی 1947 کو کشمیریوں کے حقیقی نمائندوں نے سری نگر کے علاقے آبی گزر میں سردار محمد ابراہیم خان کی رہائش گاہ پر آل جموں و کشمیر مسلم کانفرنس کے ایک اجلاس میں کشمیر کے پاکستان کے ساتھ الحاق کی قرارداد متفقہ طور پر منظور کی تھی، اسی قراداد کی یاد میں ہر سال یہ دن منایا جاتا ہے