سفارتی مشن کے ٹویٹر اکاؤنٹ بلاک، دفترِ خارجہ کا شدید احتجاج

 

سفارتی مشن کے ٹوئٹر اکاؤنٹ بلاک کرنے پر پاکستانی دفتر خارجہ نے بھارت سے شدید احتجاج کیا ہے۔

ترجمان دفتر خارجہ کے مطابق پاکستان  نے بھارتی ناظم امور کو دفتر خارجہ طلب کرکے شدید احتجاج  کیا. پاکستان کے سفارتی مشن ، ایران ،ترکی یو این اور نیو یارک سمیت 80 اکاؤنٹس کو بھارت کی جانب سے بلاک کیا گیا ہے۔ بھارتی ناظم الامور کو آگاہ کیا گیا کہ ایسے ایکشن بین الاقوامی قوانین کی خلاف ورزی ہیں۔

🔊: PR NO. 3️⃣1️⃣3️⃣/2️⃣0️⃣2️⃣2️⃣

Pakistan registers strong protest on India’s recent blocking of Twitter accounts

🔗⬇️https://t.co/ZoRRFSFQIo pic.twitter.com/78SkUIc775

— Spokesperson 🇵🇰 MoFA (@ForeignOfficePk) July 1, 2022

ترجمان دفتر خارجہ کا کہنا ہے کہ سفارتی اکاؤنٹ کو ریگولیٹ کرنے کا نیا قانون  غیر قانونی ہے، یہ عمل معلومات تک رسائی کے حقوق اور آزادی رائے کی بنیادی آزادی کے خلاف ہے. بھارت فوری طور پر سفارتی مشن کے اکاؤنٹ بلاک کرنے کے اقدام کو واپس لے. بھارت کو بین الاقوامی اصولوں کی پاسداری کرنی چاہیے۔