فیفا ورلڈکپ2022: پاکستان کےلیے اہم اعزازات

پاکستان اگرچہ فیفا ورلڈکپ کےلیے کوالیفائی نہیں کرسکا لیکن اس کے باوجود قطر میں جاری ورلڈکپ میں وطنِ عزیز کےلیے تین چیزیں قابلِ صد افتخار ہیں جس سے اقوامِ عالم میں پوری قوم کا سر فخر سے بلند ہورہا ہے

یہ بھی پڑھیں:

فیفا ورلڈ کپ کی اہم معلومات جانئے

مکمل شیڈول دیکھنے کےلیے یہاں کلک کریں

فیفا ورلڈکپ دیکھیں بالکل فری

سیکیورٹی

جیسا کہ آپ جانتے ہیں کہ چند ماہ قبل قطر کی جانب سے فیفا ورلڈکپ کی سیکورٹی کےلیے پاک فوج کی مدد کی درخواست کی گئی تھی جسے قبول کیا گیا اور پاک فوج (برّی، بحریہ، فضائیہ) کے 4 ہزار سے زائد مسلح جوان قطر روانہ کیے گئے، جو اب سکیوٹی کے فرائض سرانجام دے رہے ہیں

#Pakistan army’s specially trained unit left for #Qatar where they will assist the Qatari govt with providing security for #FIFA2022 football World Cup. pic.twitter.com/lsbCM28C3B

— Ayaz Gul (@AyazGul64) October 10, 2022

فٹ بال

سرزمینِ سیالکوٹ سے تو آپ بخوبی واقف ہوں گے جو دنیا بھر میں کھیلوں کے سامان بنانے اور فروخت کرنے میں مشہور و معروف ہے. تو 2014 اور 2018 کے ورلڈکپ کے بعد لگاتار تیسری مرتبہ بھی اس ورلڈکپ میں کھیلے جانے والے فٹ بال "الرّحلۃ" پاکستان سے درآمد کیے گئے ہیں

 3 ہزار فٹ بال ٹورنامنٹ میں استعمال ہوں گے جبکہ اسی ڈیزائن (کی نقل) کے 80 لاکھ فٹ بال دنیا بھر میں فروخت ہونے کی توقع ہے

اسی فٹ بال کے متعلق جرمنی کے سفیر نے بھی ویڈیو ٹویٹ کی کہا کہ اس ورلڈ کپ میں کیا جانے والا ہر گول پاکستانی گول ہے کیونکہ یہ بالز پاکستان سے ہیں؟ سیالکوٹ سے ہیں

Super excited for 🇩🇪 vs 🇯🇵 at #Qatar2022 today!
I've replaced the ⚽️ of 2014 World Cup (that was won by #Germany) with this year's model at the Embassy for good luck at this tournament!
Who else is rooting for 🇩🇪 with me? 🙋‍♂️@FIFAWorldCup #OneLoveBinde pic.twitter.com/vXrYs6zgFp

— Alfred Grannas (@GermanyinPAK) November 23, 2022

جھنڈے اور بینرز

آپ نے دیکھا ہوگا کہ کسی بھی میچ کے دوران تماشائی سٹیڈیم میں اپنی اپنی پسندیدہ ٹیم کے جھنڈے لہرا کر ان کی حوصلہ افزائی کرتے ہیں تو ایک پاکستانی کمپنی نے کئی ممالک کے مختلف سائز کے تقریبا 50 ہزار جھنڈے اور بینرز تیار کرکے قطر روانہ کیے ہیں جو شائقینِ فٹ بال کھیل کے دوران استعمال کر رہے ہیں

یہ تھیں تین چیزیں جن سے شاید آپ پہلے ناواقف ہوں تو یہ جاننے کے بعد اب آپ کو بھی فخر محسوس ہورہا ہوگا